loading...

کیا معروف اداکارہ عظمیٰ خان مبینہ طور پر کسی اور کے شوہر کے ساتھ تعلق قائم کرتے پکڑی گئیں؟ ، ویڈیو سوشل میڈیا پر وائرل


پاکستان کی معروف اور صف اول کی اداکارہ عظمیٰ خان اور ان کی بہن ہما خان کی موبائل کیمرے سے بنائی گئی ایک ویڈیو سوشل میڈیا پر وائرل ہو گئی ہے جس نے ہنگامہ برپا کر کے رکھ دیاہے ۔

تفصیلات کے مطابق سوشل میڈیا پر وائرل ہونے والی ویڈیو میں دیکھا جا سکتا ہے کہ پیچھے کی جانب عظمیٰ خان کھڑی ہیں جبکہ ان کے آگے کالے رنگ کے کپڑوں میں ان کی بہن ہمار خان موجود ہیں اور دونوں ڈری اور سہمی ہوئی ہیں ۔ویڈیو میں ایک خاتون غصے میں دونوں سے کہہ رہی ہیں کہ ” مجھے بتاﺅ کہ کیا تم میرے شوہر عثمان کے ساتھ ناجائز تعلقات قائم کیے ہوئے ہے “ ، ویڈیو میں خاتون اداکارہ پر اپنے شوہر کے ناجائز تعلقات کا الزام عائد کر رہی ہے تاہم ابھی اس ویڈیو سے متعلق کسی سطح پر تصدیق یا تردید نہیں ہو سکی ہے جبکہ اداکارہ کی جانب سے بھی کوئی بیان جاری نہیں کیا گیاہے ۔

یہ ویڈیو دراصل ٹویٹر پر ’’ شوبز اینڈ نیوز‘‘ نامی پیج کی جانب سے شیئر کی گئی ہے۔ ویڈیو میں آپ دیکھ سکتے ہیں کہ ایک مقام پر اداکارہ عظمیٰ خان ڈری ہوئی دکھائی دیتی ہیں اور خاتون کو آنٹی کہہ کر مخاطب کرتی ہیں جس پر وہ خاتون مزید غصے میں آ گئی اور کہنے لگی کہ ” میں چالیس سال کی عورت ہوں ، پاگل ہو ، مجھے آنٹی کہہ رہی ہو ، تم سے چھ سال بڑی ہوں ۔“

عظمیٰ خان نے پاکستان کی معروف فلم ” وار “ میں شان کے ساتھ ڈیبیو کیا اس کے بعد وہ ” یلغار“،” جوانی پھر نہیں آنی “ کے دونوں پارٹس میں بھی دکھائی دیں اس کے علاوہ انہوں نے فلم ” تیری میری لووسٹوری “ میں بھی کام کیا ۔ اداکارہ عظمیٰ خان نے ٹیلی ویژن پر اینٹری ” آدھی گواہی “ ڈرامے سے ماری جبکہ اس کے علاوہ انہوں نے ” میں کیسی عورت ہوں “ ڈرامے میں بھی کام کیا ۔

سوشل میڈیا پر اس ویڈیو کے مختلف پہلوﺅں پر غور کیا جارہاہے یعنی ہر کوئی ” شیرلاک ہومز “ بن کر یہ پتا لگانے کی کوشش کر رہاہے کہ یہ عثمان کون ہے تاہم ابھی تک اس حوالے سے مزید کوئی تصدیق شدہ تفصیلات سامنے نہیں آئی ہیں ۔ ویڈیو کے بارے میں یہ بحث بھی جاری ہے کہ اگر خاتون نے اداکارہ کو رنگے ہاتھوں پکڑا ہے تو پھر اس کا شوہر ” عثمان “ ویڈیو میں دکھائی کیوں نہیں دے رہاہے ۔


loading...
کیا معروف اداکارہ عظمیٰ خان مبینہ طور پر کسی اور کے شوہر کے ساتھ تعلق قائم کرتے پکڑی گئیں؟ ، ویڈیو سوشل میڈیا پر وائرل کیا معروف اداکارہ عظمیٰ خان مبینہ طور پر کسی اور کے شوہر کے ساتھ تعلق قائم کرتے پکڑی گئیں؟ ، ویڈیو سوشل میڈیا پر وائرل Reviewed by Admin on مئی 28, 2020 Rating: 5
loading...